Kuçovë/ Sherr me thika mes të rinjëve, ‘çmendet’ 20-vjeçari, godet edhe shokun e tij

Është bërë arrestimi në flagrancë i 20 vjeçarit, Llazar Ziu, banues në Tapi të Kuçovës, ditën e sotme nga Specialistët e Seksionit për Krimin.

Nga burimet e FaxNews, mësohet se arrestimi i të riut është bërë pasi ka goditur me grushta dhe thikë,për motive të dobëta, shtetasin me inicialet E.K, 20-vjeç, banues në lagjen “11 janari”.

Mësohet gjithashtu se gjatë grindjes i dyshuari ka goditur me mjet prerës dhe shokun e tij shtetasin R.B, 17 vjeç, banues në Tapi.

Nga ana tjetër materialet i kanë kalaur Prokurorisë së Rrethit Gjyqësor Berat për veprat penale, ”Kanosja”, ”Prishja e qetësisë publike”, ”Plagosje e lehtë me dashje” dhe “Plagosje e lehtë nga pakujdesia”, parashikuar nga nenet 84, 274, 89 dhe 92 të Kodit Penal.  (E.V/Faxweb.al)