Media serbe ‘’Novosti” raporton sot se në datën 11 Nëntor presidenti i tyre Aleksandër Vuçiç do të ketë një takim me presidentin amerikan Donald Trump.
Sipas medias serbe takimi do të mbahet në Francë, ku pritet të diskutohet dhe tema e ndryshimit të kufijve me Kosovën.
Data e takimit mësohet se do të jetë 11 nëntori, me rastin e njëqindvjetorit të fitores në Luftën e Parë Botërore.
‘’Takimi në Francë është veçanërisht i rëndësishëm për Serbinë, sepse argumentet tona mund të jenë të rëndësishme për shkak të kujtesës së viktimave dhe rolit të vendit tonë në Luftën e Parë Botërore’’, shkruan media serbe.
Pak ditë pas takimit me Trump, Vuçiç do të takojë dhe presidentin rus Vladimir Putin, ndërsa gjatë mjuajit shtator do të paraqesë idenë e tij për kufijtë me Kosovën në asamblenë e kombeve të bashkuara, ç’ka të lë të kuptosh që Serbia do të lëvizë çdo gur në arritjen e qëllimeve të saj.
Nga ana tjetër politika në Prishtinë dhe në Tiranë vijon të jetë e përçarë në qëndrimet e saj,cka mund të çojë në korigjimin, ose ndryshimin e kufijve të Kosovës.
(E.K/FAXWEB.AL)
Discussion about this post