Kryeministri Edi Rama ka folur për herë të parë qartë mbi qëndrimin e tij për diskutimin e kufijve midis Kosovës dhe Serbisë, duke sulmuar ashpër ato që janë kundër idesë së korrigjimit të kufijve.
“Këta që shfaqen sikur i ka dërguar Zoti me dekret hyjnor për të mbrojtur kombin nga ata që mendojnë ndryshe. Rruga më e shkurtër që duan këta mund të na nxjerrë më gjatë. Për mua ka një rrugë më të thjeshtë që duhet marrë në konsideratë.
Çfarë po diskutojmë ne me Greqinë sot? Kufirin. Çfarë diskutoi Kosova me Malin e zi që u bë gjithë ajo që u bë? Kufirin. Si nuk do u diskutohet kufiri mes Kosovës dhe Serbisë? Do diskutohet që ç’ke me atë punë. Do bëhet edhe në këtë rast ai procesi i demarkacionit. Për këtë arsye ne si komb duhet të bëhemi burra dhe të mos sillemi si kalamajtë e mëhallës: “Guri ata do na rrahin”. Politikanët mendojnë për zgjedhjet e ardhshme, burrat e shtetit mendojnë për gjeneratën tjetër. Unë nuk fus hundët në punët e Kosovës. – deklaroi Rama në intervistë.
I pyetur nga Sokol Balla në një intervistë në Vizion+, Rama iu përgjigj gjithashtu dhe deklaratave të kryeministrit Ramush Haradinaj se ai “po fut hundët më shumë seç duhet në punët e brendshme të Kosovës”.
“Për mua Kosova është pjesë e Shqipërisë. Të tjerat janë çështje të Ramushit”- iu përgjigj Rama homologut të tij.
Më tej Rama sulmoi dhe kryetarin e Vetëvendosjes, duke u shprehur se ai është bë bajat duke treguar përrallën se kush nuk është me të është spiun i Beogradit.
“Sa i takon Albin Kurtit po bëhet bajat duke treguar përrallën e përsëritur që kush nuk është me të, është spiun dhe shërbëtor i Beogradit. Goditja që i bëri Gent Cakës dhe Besa Shahinit nuk e nderon. Futja e dy kosovarëve në qeveri, nëse ai do ishte ai patrioti i madh, për të duhet të ishte ditë feste. Ai foli me një gjuhë që i shkon Sali Berishës.
Bashkimi mes Shqipërisë dhe Kosovës nuk është plan B, por plan A. Unë nuk e imagjinoj bashkimin si nacionalfolkloristët e shekullit të 21” – tha Rama.
(M.Q/Faxweb.al)
Discussion about this post