Lideri i Partisë Radikale Serbe, Vojisllav Sheshel, i cili është dënuar me 10 vjet burg nga Tribunali i Hagës për krime lufte, vazhdon me deklarata që bëjnë thirrje për luftë në Kosovë. Madje ai shkon edhe më larg duke synuar që Serbia të marrë edhe një pjesë të Shqipërisë deri në Durrës dhe kufiri sipas tij do të diskutohet me grekët pasi atje “në Shqipërinë e veriut edhe toka dhe guri është serb”.
Sheshel, përmes një postimi në Tëitter, ka treguar se Serbia duhet të përgatitet që me luftë sërish ta marr Kosovën, pasi nga atje të tërhiqen forcat e NATO-s.
Lidhur me deklaratat e tij të njëpasnjëshme ka reaguar ish-deputeti i AAK-së, Lahi Brahimaj. Brahimaj, njëherësh ish-pjesëtarë i UÇK-së ka thënë se Shesheli nuk po i ndahet ish-shefit të vet. Ndërsa sa për deklaratat e për luftë, ish-deputeti I AAK-së thotë se kjo mbetet për tu parë.
Postimi i plotë:
Shesheli, nuk mund t’i ndahet ish – shefit të vet.
Sikur në vitin 1999, edhe sot edhe nesër edhe kurdo, do ta keni përgjigjën e njëjtë, ashtu siç ju kemi mundur çdo herë, (rasti me ngujimin në bodrumin e mullirit në Kievë), edhe në Hagë ju kemi mundur, edhe në çdo rastë tjetër.
Juve nuk mund t’iu ndajë fati me kasapin e Ballkanit, Millosheviçin. Ju do të keni mundësi ndoshta ta “pushtoni e sundoni” vetëm ferrin, sëcilës rrugë jeni duke shkuar ngadalë por sigurtë edhe ju.
E sa për kush deri ku do të shkojë, këtu jemi, do ta shohim!
(B.H/Faxweb)
Discussion about this post