Prej disa ditësh në qendër të vëmendjes së mediave dhe akuzave të politikës në vendin tonë është vënë një shkrim i revistës ‘’Mother Jones” ku flitet për lobimin e PD-së në SHBA.
Sipas Revistës në fjalë PD ka paguar për të lobuar pranë një kompanie pas së cilës fshihen interesa rus. Vetë PD e mohoi kategorikisht këtë shkrim duke thënë se ‘’Mother Jones” është e sponsorizuar nga ana e Ramës. Madje ka pasur zëra se pas kësaj çështje qëndron multimiliarderi George Soros.
“Mother Jones” ka reaguar dje sërish, duke rindërtuar sipas saj dinamikën e të gjithë ngjares dhe hedhur poshtë akuzat për lajme të sponsorizuar.
“Të martën, “Mother Jones” botoi njëinvestigim të gjatë për një firmë misterioze të lidhur me Rusinë, e cila punësoi një ish-ndihmës të fushatës së Donald Trump, i quajtur Nick Muzin. Ai ishte kontraktuar për të punuar në Shtetet e Bashkuara për të ndihmuar Partinë Demokratike të Shqipërisë në zgjedhjet parlamentare të vitit 2017. Historia u zhvendos në Biniatta Trade, një kompani që pagoi Muzin $ 150,000 dollarë dhe ndoshta më shumë, për të ndihmuar PD-në dhe kryetarin e saj Lulzim Basha. Sipas regjistrimeve të korporatave në Mbretërinë e Bashkuar, dy kompanitë që krijuan Biniatta Trade, ishin të lidhura me firma të tjera të kontrolluara nga shtetasit rusë,” shkruan në hyrje të artikullit revista.
Më tej “Mother Jones” tregon se si ra në gjurmët e skandalit dhe reagimin e ambasadës ruse në Tiranë.
“Ne u përpoqëm t’i gjurmonim këto kompani të lidhura me Rusinë dhe përfaqësuesit e tyre. Media jonë shqyrtoi të dhënat e korporatave ruse duke dërguar një gazetar në disa adresa në Moskë dhe duke dërguar kërkesa zyrtare përmes postës elektronike në Rusi, Ukrainë, Kanada dhe Shtetet e Bashkuara. Gjatë dy ditëve të fundit, disa media në Shqipëri ribotuan pjesë të historisë sonë, pasi politikanët shqiptarë dhe ambasada ruse në Tiranë denoncuan artikullin”, nënvizohet në artikull.
Ndërkohë, reagimin e PD-së e kundërshton me të dhënat e publikuara nga Departamenti i Drejtësisë Amerikane.
“Partia Demokratike e Shqipërisë lëshoi një deklaratë duke pretenduar se Partia Socialiste në pushtet pagoi “Mother Jones”, të cilën e quajti “media të dorës së dytë”. Deklarata e PD-së mohoi lidhjet me kompanitë e lidhura me Rusinë. “Partia Demokratike nuk ka pasur dhe nuk ka lidhje të drejtpërdrejta ose të tërthorta me individë ose kompani ruse”, tha partia. Megjithatë, të dhënat e paraqitura në Departamentin e Drejtësisë të SHBA, thonë se Biniatta Trade i ka paguar Muzin, një shumë të madhe parash që të bëjë punë në emër të PDSH-së,” thuhet më tej në shkrim.
(E.K/FAXWEB)
After a Mother Jones Investigation, a Right-Wing Albanian Party Attacks
Discussion about this post