Kameramani i Anadolu Agency, Vedat Abdul, ka shpjeguar përjetimet e momentit ku është mbajtur i bllokuar në ambientet e Kuvendit të Maqedonisë, ku dhjetëra persona u plagosën duke përfshirë edhe deputetë.
Abdul ka treguar se atë natë partitë politike nën udhëheqjen e LSDM që kanë edhe shumicën e re parlamentare, zgjodhën kryetarin, dhe më pas kaluan duke zënë pozicionet në vendin ku kryetari i përgjithshëm i LSDM-së Zaev, do të mbante konferencën për shtyp, ku dhe afërsisht më shumë se 20 anëtarë të medias ndodheshin në pritjen e deklaratës së tij.
Pasi shpjegoi se në ato momente kanë vërejtur që protestuesit mbështetës të VMRO-DPMNE-së duke kundërshtuar këtë situatë ishin mbledhur përpara ndërtesës së Kuvendit të Maqedonisë dhe kryen përpjekje për të hyrë brenda ndërtesës, Abdul është shprehur se “Fillimisht nuk e morëm seriozisht. “Sepse ka ligje dhe nuk mund të hyjnë brenda lirisht. Ku pa kaluar as pesë minuta ata hynë brenda”, tregon Abdul.
Abdul ka theksuar se në ato momente mjediset e Parlamentit i kanë kujtuar një labirint, ku i dukej se ndodhej në një situatë ku nuk përcaktonte se në cilin kat ndodhej, sikur ndodhej për herë të parë në atë ndërtese. Ai tregon gjithashtu se edhe daljet në katin e dytë dhe të tretë kanë qenë shumë të komplikuara.
Pasi ka theksuar se ka përjetuar momente ankthi kur protestuesit kanë hyrë brenda dhe se ka shpresuar që policia do të ndërhynte derisa ata të mbërrinin në katin e tretë, Abdul tha se “Por nuk ndodhi ashtu. Ata ose kanë patur një udhërrëfyes ose kanë hyrë edhe më parë brenda ndërtesës. Brenda pesë minutash ata janë ngjitur në katin e tretë.”
“Nisën të shtynin me forcë dyert në sallën ku ndodheshim. Brenda meje kishte ende një shpresë. Sepse në këtë sallë ndodheshin edhe deputetët, dhe kjo nuk ishte dhe nuk duhej të ishte kaq e lehtë. Për një moment vërejtëm se dera u hap pakëz, ku dy truprojat e Zaevit vrapuan për të mbajtur derën të cilën nuk e mbajtën dot më shumë se 10 sekonda. Më pas dera u hap plotësisht dhe njerëzit turma turma vrapuan mbi ne. Nuk dinim si të reagonim, kemi mbetur të hutuar”,- u shpreh ai.
Abdul është shprehur se kanë vërejtur që “përparësia” e grupit që hyri brenda ishte Zaev dhe deputeti shqiptar Ziadin Sela dhe ka shtuar se një grup me maska në fytyrë kontrollonte situatën dhe të tjerët kanë sulmuar duke goditur deputetët me çfarë të kishin nëpër duar.
“Kujtova se ajo natë nuk do të përfundonte asnjëherë. Nga mesnata u hapën dyert dhe brenda hynë njësitet speciale. U kthyen nga ne duke bërtitur ‘ngrihuni, ngrihuni, ngrihuni’ Sadopak u lehtësova. Duke numëruar ‘një dy’ na thanë të vraponim. E ndjeva veten si në ushtri”, -është shprehur Abdul, duke bërë të ditur se nga jashtë vazhdonin britmat dhe zërat e të qarave pavarësisht se kishin kaluar disa orë, raporton AA.
Disa deputetë ku në mesin e tyre ndodhej edhe Zaev i zbritën në katin e parë, një grup njësitesh speciale më pas kanë hyrë brenda dhe fillimisht vendosën nëpër automjete deputetët, ndërsa ne na lanë të lirë nga dera e pasme, është shprehur Abdul. Ai ka bërë të ditur se 50 minuta pasi ka dalë nga jashtë ka vërejtur se policia kishte vendosur barrikada përpara dhjetëra njerëzve tha se “Nuk dija nga të shkoja, telefonova kolegët nga agjencia dhe erdhën e më morën.”
Bëhet e ditur se janë ndaluar 8 persona me pretendimin e përfshirjes në ngjarjet ku janë plagosur afërsisht 100 persona, duke përfshirë deputetë, punonjës të policisë dhe përfaqësues të medias.
(M.D/Shuplaka)
Discussion about this post