Kukësi është pranë arritjes së marrëveshjes për të sjellë në ekip një lojtar me mjaft talent.
Bëhet fjalë për futbollitin e skuadrës braziliane Vasko De Gama, Marquinhos do Sul, 23 vjeç.
Sipas “panorama sport” lojtari ka arritur akordin me ekipin kampion të Shqipërisë.
Tre vite më parë, ai ka debutuar me Vasko De Gamën në kampionatin brazilian. Më pas ka luajtur për klube si Cabofriense, Central dhe Baiano. “Panorama Sport” zbulon se prej disa ditësh menaxherët e klubit të Kukësit po bisedojnë me agjentin e lojtarit dhe në parim kanë arritur marrëveshjen.
Brazilianit i është prerë edhe bileta e avionit për ardhjen në Shqipëri dhe klubi i Kukësit pret që sot të mbyllë kontratën me Markinjon. Mësohet se lojtari është pëlqyer shumë nga trajneri Ernest Gjoka, i cili ka kërkuar patjetër një sulmues krahu.(B.H/Shuplaka)
