Një shpërblim i majmë do të rezervohet për lojtarët e skuadrës së Kukësit, pas fitores së arritur ditën e djeshme në përballjen me Skënderbeun.
Mësohet se Presidenti Gjici do të shpërblejë skuadrën duke mos mbetur vetëm në kuadrin e gëzimit historik për fitoren që e bën për herë të parë Kukësin kampion.
100 mijë euro bëhet me dije se do të jetë shpërblimi për titullin. Nuk është hera e parë që Gjici përdor metodën e shpërblimeve për lojtarët e tij, sikundër ka pasur raste kur e ka kritikuar stafin në rastin e mospërmbushjes së pritshmërive.
Pritet që shpërndarja e shpërblimit nga Presidenca të bëhet në ditët në vijim ose pas festës që thuhet se do të zhvillohet për nder të titullit Kampion.
(XH.A/SHUPLAKA)
