Kukësi ka zyrtarizuar tre largime në fillimin e 2017-ës.
Verilindorët kanë larguar nga skuadra tre mesfushorë, Bekim Dema, brazilianin Felipe Moriera dhe Floart Jonuzi.
Lojtarët nuk kanë pasur hapësira për tu aktivizuar ndaj trajneri Gjoka ka prishur kontratën me konsensus.
Ditën e sotme klubi i Kukësit ka përmes një njoftimi në profilin zyrtar në “Facebook” ka informuar për shkëputjen e kontratës me dy lojtarët Dema dhe Jonuzi, ndërkohë që Moriera u largua para pak ditësh.
Tashmë skuadra verilindore do të fokusohet te merkato e janarit ku do të priten afrime të reja.
Njoftimi
“Me fillimin e merkatos së janarit kanë nisur edhe lëvizjet e para për skuadrën e Kukësit. Tre mesfushorët Bekim Dema dhe Fjoart Jonuzi i kanë dhënë fund aventurës me klubin verilindor. Shkodrani dhe kuksiani kanë gjetur akordin me klubin për të prishur marrëveshjen dhe janë ndarë me mirëkuptim të plotë.
Ekipi i Kukësit nuk është bërë pengesë për futbollistët dhe i ka lënë të lirë. Klubi verilindor i falenderon të dy futbollistët për kontributin e dhënë dhe i uron suksese në karrierën e tyre futbollistike”.
