Ndeshja mes Kukësit dhe Partizanit është ndërprerë në minutën e 64. Tifozët e kuq janë gjuajtur me gurë nga një shtëpi pranë stadiumit.
Policia ndërhyri për të ndalur këto gjuajtje nga tribunat, duke filluar një përplasje fizike me mbështetësit e Partizanit.
Forcat e rendit u desh të bllokonin edhe tifozerinë e Kukësit, pjesëtarë të të cilës u nisën për një konfrontim mes palëve. Por kordonët e sigurisë mes dy tifozerive rezistuan dhe u evitua një përplasje mes palëve, me lojën që rifilloi pak minuta pas ndërprerjes.
Mësohet se një tifoz i Partizanit është dërguar me urgjencë në spital pasi ka pësuar një të çarë në kokë pas gjuajtjes me sende të forta. (M.D/ Shuplaka)
