Ergys Kaçe, mesfushori i kombëtares shqiptare dhe PAOKut, është në qendër të vëmëndjes të kësaj merkatoje në Kategorinë Superiore.
Fillimisht klubi i Skënderbeut shfaqi interes për futbollistin e lindur në Korçë dhe të rritur në Greqi, dhe vetëm një ditë më parë u raportua se marrëveshja mes palëve është mbyllur duke munguar vetëm zyrtarizimi .Megjithatë një portal online ka zbuluar se në garë për shërbimet e Kaçes është futur në momentet e fundit edhe klubi që u shpall kampion dimri në Shqipëri, Kukësi. Presidenti Safet Gjici e dëshiron me çdo kusht Kaçen në ekipin e tij dhe për këtë gjë është i gatshëm të bëjë një sakrificë të çmendur financiare.
Në rast se Kaçe do të pranojë të huazohet deri në fund të sezonit te skuadra e drejtuar nga Ernest Gjoka, ai do të përfitojë 50 mijë euro paradhënie në dorë, si dhe një pagë prej 10 mijë eurosh për çdo muaj. Këto shifra janë të frikshme dhe të padëgjuara më parë në futbollin shqiptar. Besojmë se Skënderbeu tashmë po ndihet i kërcënuar nga konkurrenca e Kukësit, jo vetëm në fushën e lojës, por edhe në merkato. Mbetet për t’u parë se cili do të jetë vendimi i Kaçes. (J.V/Shuplaka)
