Gjyqtari i ndeshjes Enea Jorgji ka habitur me deklaratat e tij. Mësohet se gjyqtari i takimit Kukësi – Skëndërbeu ka qenë i frikësuar madje edhe për jetën gjatë gjykimit të ndeshjes. Kjo sipas tij ka sjellë edhe arbitrimin skandaloz. Sipas asaj që thotë “Sport Ekspres” gjyqtari Jorgji e kupronte se kishte bërë një arbitrim skandaloz por ka ngurruar nga frika që të gjykojë drejt.
Në diskutim e sipër drejtuesit e garës i kanë kërkuar llogari gjyqtarit se çfarë kish bërë në fushë. “Si mund të mos jepej penalltia për Skënderbeun dhe kartoni i kuq?”, i janë drejtuar gjyqtarit. Enea u është përgjigjur se ka pasur frikë se mos nuk dilnin të gjallë nga stadiumi, pasi i frikësohej një invadimi të fushës nga tifozët e Kukësit, nëse jepte një penallti dhe karton të kuq për Skënderbeun. Por ai nuk ka ditur ç’të thotë për kartonët e Salihit dhe Muzakës, duke mos dhënë ndonjë shpjegim specifik.
Edhe gjyqtari i katërt i takimit ka qenë pa fjalë. Jorgji ka qëndruar në një cep dhe gjendja e tij ka qenë skandaloze, saqë drejtuesit e garës dhe FSHF-së, duke parë situatën janë frikësuar se mos gjyqtarit i ndodhte ndonjë problem shëndetësor. Miq të gjyqtarit thonë se edhe pas kthimit në Elbasan, ai nuk ka shkuar direkt në shtëpi, por është endur nëpër qytet. (B.H/Shuplaka)
Discussion about this post