Ka përfunduar ndeshja mes Kukësit dhe skuadrës ruse të Dinamos së Moskës.
Ndeshja ka përfunduar me fitoren e thellë të rusëve të cilët kanë mposhtur kampionët e Shqipërisë 6-0.
Në takimin miqësor të zhvilluar në Austri në kuadër të përgatitjeve për turin kualifikues të Ligës së Kampionëve, Kukësi ka treguar mangësi të mëdha në mbrojtje dhe pafuqi në sulm.
Pjesa e parë përfundoi me rezultatin 2-0, pas dy golave shumë të shpejtë të Dinamos, në sekondën e 37-të dhe në minutën e 8-të.
Pjesa e dytë ka qenë katastrofike. Kukësi ka pësuar 4 gola në harkun kohor prej 15 minutave.
Lojtarët e Dinamos e kishin shumë thjeshtë ta dërgonin topin në rrjetë edhe pse luanin ndaj një ekipi që pretendon të kalojë turin e dytë në Ligën e Kampionëve.
Kjo ishte ndeshja e fundit miqësore e Kukësit, pasi në datën 12 korrik ekipi kuksian do të luaj ndeshjen zyrtare, e vlefshme për Champions League kundër Sherif Tiraspolit në Moldavi.
Autorët e golave për rusët ishin:
minuta 1-Fatos Beciraj 1 – 0
minuta 8-Alexander Sapeta 2 – 0
minuta 67-Evgeni Lutsenko 3 – 0
minuta 73-Ivan Temnikov 4 – 0
minuta 80-Evgeni Lutsenko 5 – 0
minuta 84-Ivan Temnikov 6 – 0
(B.H/Shuplaka)
