Kur na ndajnë më pak se tre javë nga zgjedhjet ajo që presin qytetarët janë programet, për të mos thënë premtimet.
Në fakt gjatë këtyre ditëve kanë nisur të publikohen dhe spotet elektorale të secilës parti. Partia Socialiste në thelbin e retorikës së saj elektorale ka vendosur arritjen e 71 mandateve, ‘’qeverinë me një timon’’.
Nga ana tjetër Lëvizja Socialiste për Integrim theksin e programit të saj e ka vendosur te punësimi i të rinjve.
Ndërkohë që në një përshtypje të parë të spoteve elektorale publikuar nga Partitë duken dy paralelizma: Kulti i individit që shpaloset nga kryeministri Rama me bllokun e gjobave në dorë dhe nga ana tjetër spoti i LSI-së ku vetë kreu i kësaj Partie ka zgjedhur që të mos jetë pjesë e videos.
Në vend të Vasilit iu është dhënë zë të rinjve, dhe kandidatëve të LSI-së, në një pjesë të saj mesazhin paraqitet ministrja Gjosha ku thotë dhe spotin ‘’LSI një shans për të gjithë”.
Dalja e kryeministrit Rama me një bllok gjobash në dorë nuk la dhe aq shije të mirë, pasi të vendosë gjoba nuk është detyrë e një kryeministri. Pavarësisht se Rama thoshte se këto do të shkojnë për ndërtimin e shkollave dhe spitaleve në thelb ato iu merren sërish qytatarëve.
Në fakt kryeministri Rama gjatë gjithë kësaj periudhe e ka mbështetur shumë fushatën e tij në batuta, veshjen sport, ku nuk kanë munguar as kritikët. Po mesa duket në paralelizëm me këtë LSI-ja ka vendosur që të promovojë edhe më shumë figurat e reja. (E.K/SHUPLAKA)
