2 persona janë arrestuar dhe 2 të tjerë janë shpallur në kërkim në qytetin e Vlorës. Ata në bashkëpunime njëri-tjetrin kanë kultivuar lëndë narkotike. Të arestuarit siç duken dhe nga identitetet janë të afërm me njëri-tjetrin.
DETAJET E POLICISË:
Vijojnë kontrollet për parandalimin e kultivimit të bimëve narkotike ! Policia arreston në flagrancë 2 shtetas dhe shpall në kërkim dy të tjerë.
Më datë 02.06.2017, pas informacioneve të marra në rrugë operative për kultivim bimësh në fshatin Lapardha të Selenicës, menjëherë shërbimet filluan kontrollin e zonës në fjalë dhe gjatë kontrolleve të ushtruara pranë vendit të quajtur “Kodra e Likajve” kanë konstatuar 3 parcela në afërsi të njëra-tjetrës të mbjella me 20 bimë narkotike me gjatësi deri në 15 cm, si dhe 48 fidanë të vegjël të mbjella në kubikë.
Nga hetimet e kryera, ka rezultuar se bimët janë mbjellë në pronë private në pronësi të 3 shtetasve, prej të cilëve njëri u arrestua në flagrancë ndërsa dy të tjerët u shpallën në kërkim:
Engjëll Likaj, 56 vjeç (arrestuar)
B.Likaj, 78 vjeç (u shpall në kërkim)
Z.Likaj, 58 vjeç (u shpall në kërkim)
Gjithashtu, gjatë kontrollit të ushtruar në fshatin Kaninë, Vlorë, shërbimet kanë konstatuar të mbjella disa bimë narkotike në një parcelë, me gjatësi deri në 40 cm, të cilat u asgjësuan me djegie. Për këtë ngjarje, policia ka arrestuar në flagrancë autorin e dyshuar, me banim në afërsi të kësaj parcele, shtetasin:
Llambro Limaj, 41 vjeç, banues në Kaninë, Vlorë. Materialet u referuan në Prokurori në ngarkim të këtyre shtetasve për veprën penale “Kultivimi i bimëve narkotike” parashikuar nga neni 284 i Kodit Penal.
