Kultivonin në bahçen e shtëpisë drogë, arrestohen babë e bir në Tiranë

At e bir 57 dhe 31 vjeç, janë vënë në pranga nga policia e Tiranës pasi u janë gjetur në oborrin e shtëpisë të mbjella 76 bimë kanabis.

Bëhet fjalë për Deli Xhixhën dhe djalin e tij Xhemal Xhixhën pasi në oborrin e shtëpisë së tyre kishin mbjellë bimën narkotike në fshatin Qenam, në zonën e Zallherrit.

 DETAJE:

Pas informacioneve të marra, Specialistët e Komisariatit të Policisë Nr.5 kanë ushtruar kontroll në banesën e tyre, ky në oborr kanë gjetur një vend të përshtatur si farishte, ku janë konstatuar dhe sekuestruar në cilësinë e provës materiale 76 bimë të dyshuara narkotike Cannabis Sativa.

Gjithashtu gjatë kontrollit të mëtejshëm të kësaj banese janë gjetur dhe sekuestruar në cilësinë e provës materiale:

– 137 fara të dyshuara narkotike të llojt Cannabis Sativa
– 5.6 kilogramë lëndë e dyshuar narkotike Cannabis Sativa

Materialet proceduriale në ngarkim të tyre iu kaluan Prokurorisë pranë Gjykatës së Shkallës së Parë Tiranë, për veprat penale “Prodhimi dhe shitja e narkotikëve” dhe “Kultivimi i bimëve narkotike”. (J.V/Shuplaka)