Një 20 vjeçar ka rënë në prangat e policisë pasi gjatë jë kontrolli në banesën e tij është konstatuar se e kishte kthyer këtë të fundit në një ambient ku kultivohej bimë narkotike.
Në pranga ka rënë 20-vjeçari A.K., banues në Ardenicë të Kolonjës, në Lushnje ndërkohë që pritet të akuzohet për “kultivim të bimëve narkotike”.
Informacion paraprak:
Në vijim të kontrollit të territorit për parandalimin e kultivimit të bimëve narkotike, Policia e Lushnjes vë në pranga një shtetas pasi në banesën e tij u gjetën të kultivuara disa bimë Cannabis Sativa.
Shërbimet e Komisariatit të Policisë Lushnje, kanë evidentuar dhe goditur një rast të kultivimit të bimëve narkotike në fshatin Ardenicë, Njësia Administrative Kolonjë.
Specialistët për Hetimin e Krimeve në Komisariatin e Policisë Lushnje, arrestuan në flagrancë shtetasin:
A.K, 20 vjeç, banues në Kolonjë, Lushnje.
Arrestim i këtij shtetasi u bë pasi në oborrin e banesës së tij u gjetën të kultivuara disa bimë narkotike të dyshuara Cannabis Sativa të cilat u sekuestruan në cilësinë e provës materiale.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Kultivimi i bimëve narkotike”.
