Fax News ka zbardhur emrat e dy personave që duhet të deklarojnë pasurinë Brenda 48 orëve, të cilat u njoftuar në deklaratën e sotme të OFL-së.
Dy personat janë Bardhok Pllanaj, me banim në Koplik si dhe Alberto Lame nga Durrësi, i cili në fakt ka pasur dy mbiemra, dhe është dënuar për trafik të lëndëve narkotike në Gjermani. Mbiemri i dytë i Lames ka qenë Kochsiek, të cilin e kishte marrë nga gruaja e tij me kombësi të huaj.
Alberto Lame Kochsiek i njohur ndryshe si pjesë e bandës së bananeve në gjermani, në 2018 Lame së bashku me tre persona të tjerë janë kapur me 1.7 ton kokainë, kokainën e kishin fshehur në kontenierë me banane që vinte nga Ekuadori, Alberto Kochsiek ka shtetësi gjermane. (Lexo edhe ketu lajmin mbi kapjen e bandes)
Bardhok Pllanaj, është një nga emrat më të dëgjuar në Shkodër, njihet si një biznesmen me reputacion në qytetin verior dhe me lidhje të forta politike.
Pllanaj, i njohur ndryshe edhe si ‘’Kumbari” është arrestuar në 2018 pasi kishte një palllat 10-katësh, që 44-vjeçari e kishte ndërtuar pa lejen e organeve kompetente në lagjen “Dobraç”.
Emri i Pllanajt do të lakohej për herë të parë në vitin 2014, gjatë operacionit policor “Laguna e Vilunit”, ku u sekuestruan gati një ton hashash. Shtatë persona u arrestuan, por Pllanaj arriti t’i shmangej kapjes.
Sipas Partisë Demokratike në atë kohë, për t’iu shpëtuar prangave, trafikanti u fsheh në automjetin e ish-deputetit Mark Frroku, por ky i fundit mohoi akuzat.
Sipas burimeve policore, Gjykata e Krimeve të Rënda kishte vendosur për Pllanajn masën e “arrestit me burg” për trafik narkotikësh, edhe në maj të vitit 2017, por në rrethana të paqarta rezulton që kjo masë të jetë shuar 2 muaj më vonë.
