Kundër shembjes së Teatrit, Çipi dhe Liçaj thirrje artistëve: Mos na thoni nesër “Na e futi Lali Eri”!!! Nuk jemi lodra partish

Ditën e sotme kreu i Bashkisë së Tiranës Erion Veliaj, publikoi në rrjetet sociale lajmin se kishte arritur një marrëveshje me një grup artistësh për ndërtimin e një Teatri të ri Kombëtar.

Por marrëveshja mesa duket nuk është pranuar nga të gjithë artistët, grupime të të cilëve kanë shfaqur në jo pak raste qëndrime të ndryshme mes tyre.

Me anë të një postimi në Facebook, regjisori Kastriot Çipi, një nga zërat kundër shembjes së Teatrit Kombëtar shkruan se janë mbledhur 65 firma për të shembur Teatrin.

Sipas tij sikur të ishin hedhur vjet kur SASE bëri peticion për barazimin e buxhetit të Ministrisë së Kulturës (15 milion euro) me atë Ministrisë së Kulturës të Maqedonisë (65 milion euro), sot nuk do të ishim duke bërë këtë diskutim.

“65 firma artistesh per te shembur Teatrin Kombetar dhe Teatrin Kombetar Eksperimental. Sikur te ishin hedhur vjet kur SASE beri peticion per barazimin e buxhetit te Ministrise se Kultures (15 milion euro) me ate Ministrise se Kultures te Maqedonise (65 milion euro), sot nuk do te ishim duke bere kete diskutim.
Vetem mos na thoni neser “Na e futi Lali Eri”!!!
As pasneser, kur te njejtin fat te pesojne tri sallat e Teatrit te Metropolit. Projekti per to eshte gati.” shkruan Çipi.

Ndërkohë që dhe aktori Nertian Liçaj ka reaguar pas kësaj marrëveshje ku shprehet se protesta dhe rezistenca e artistëve do të vijojë .

Liçaj shkruan se ne artistët nuk jemi lodra partish dhe për këtë ju siguroj.

“Miq!
Si vazhdues i fymes qytetare te petagogeve te mi Agim Qirjaqi,Vangjush Furrxhi,Robert Ndrenika e shume e shume te tjereve.Ne mbrojtje te vlerave me te mira te trashegimis kulturore,prones publike ku ben pjese dhe Teatri Kombetar,kunder ploitikes se korruptuar,mafjes se betonit,propaganges she genjeshtrave diten per diell,ju ftoj te gjitheve pa perjashtim te mblidhemi ne teater ne oren19.00 per te mbrojtur dinjitetin tone qytetar.
Nuk jemi te shitur as tradhetojme ne artistet.Nuk jemi lodra partish per kete ju siguroj.Duam vetem te na degjoni dhe mbeshtesni ju Shqiptar pa perjashtim,pa te cilet ne nuk jemi asgje.” shkruan Liçaj.

(M.Q/Faxweb.al)

65 artistë letër Metës, Ruçit, Ramës, Kumbaros dhe Veliajt: Ndërhyni urgjentisht në godinën e Teatrit Kombëtar!