Policia e Tiranë ka vënë në pranga një person dhe ka shpallur në kërkim dy të tjerë. Mbi ta rëndon akuza se nuk i janë bindur urdhrave të policisë dhe i kanë kundërshtuar ato.
Detajet:
Më datë 16.01.2017, shërbimet e Komisariatit të Policisë Nr 6, kanë arrestuar në flagrancë shtetasin:
– Kreshnik Ferrollari, 27 vjeç, banues në Tiranë, i dënuar më parë për plagosje të lehtë me dashje
Si dhe u shpallën në kërkim shtetasit:
– G. R., 29 vjeç, banues në Tiranë
– N. Sh., 21 vjeç, banues në Tiranë
Arrestimi i këtij shtetasi u bë pasi,më datë 10.01.2017, rreth orës 17:00, në rrugën “Loni Ligori”, në bashkëpunim me shtetasit N. Sh. dhe G. R., kanë goditur me sende të forta shtetasit A. H. dhe A. Sh., ku ky i fundit ndodhet i shtruar në S.Q.U., jashtë rrezikut për jetën.
Rreth orës 00:10, të datës 16.01.2017, shtetasi Kreshnik Ferrollari, është konstatuar nga shërbimet e policisë, i cili ka qënë në shoqëri të shtetasve N. Sh. dhe G. R., të cilët kanë filluar të kundërshtojnë punonjësit e Policisë për shoqërimin e tyre në Komisarait dhe kanë kundërshtuar fizikisht punonjësit e policisë, ku Kreshnik Ferrollari ka dëmtuar edhe mjetin e policisë gjatë shoqërimit të tij. Dy shtetasit e tjerë N. Sh. dhe G. R., kanë arritur të largohen.
Materialet proceduriale i’u kaluan Prokurorisë pranë Gjykatës së Shkallës së parë Tiranë për veprat penale “Plagosje e lehtë me dashje e kryer në bashkëpunim”, “Kundërshtim i punonjësit të policisë së rendit publik e kryer në bashkëpunim”, “Goditje për shkak të detyrës e kryer në bashkëpunim” dhe “Shkatërrim prone”, parshikuar nga Nenet 89-25, 236/2, 237-25 dhe 150 të Kodit Penal, në ngarkim të shtetasit Kreshnik Ferrollari.
Gjithashtu u referuan materialet në Prokurorisë pranë Gjykatës së Shkallës së parë Tiranë për veprat penale “Plagosje e lehtë me dashje e kryer në bashkëpunim”, “Kundërshtim i punonjësit të policisë së rendit publik e kryer në bashkëpunim” dhe “Goditje për shkak të detyrës e kryer në bashkëpunim”, parshikuar nga Nenet 89-25, 236/2 dhe 237-25 të Kodit Penal, në ngarkim të shtetasve N. Sh. dhe G. R.
