Një i ri ka rënë në pranga pasi ka dhunuar një punonjës policor. Fax News raporton se 28 vjeçari Klaudi Mukaj, banues në Fier ka kundërshtuar punonjësin e patrullës së përgjithshme të Komisariatit të Policisë Fier, dhe e ka goditur me dru.
NJOFTIMI I POLICISE
Secialistët për Hetimin e Krimeve në Komisariatin e Policisë Fier, arrestuan në flagrancë shtetasin Klaudi Mukaj, 28 vjeç, banues në lagjen “Sheq i Madh” Fier.
Arrestimi i këtij shtetasi u bë pasi në lagjen “Sheq i Madh”, ka kundërshtuar me dhunë dhe ka goditur me sende të forta (dru), punonjësin e patrullës së përgjithshme të Komisariatit të Policisë Fier. Materialet i kaluan Prokurorisë pranë Gjykatës së Shkallës së Parë Fier për veprën penale “Kundështimi me dhunë i punonjësit të policisë së rendit publik” parashikuar nga Neni 236/2 i Kodit Penal.
(F.M/Faxweb)
