Katër persona janë arrestuar në Tiranë. Këta shtetas, mbrëmjen e së mërkurës, kundërshtuan me dhunë dhe kanosën për shkak të detyrës punonjësit e Policisë, si dhe një qytetare që kishte njoftuar shërbimet e policisë për prishje të qetësisë publike, në një lokal.
Ngjarja ndodhi në rrugën “Tish Daija” në kryeqytet. Ndërkaq, lidhur me këtë rast, u proceduan në gjendje të lirë dhe dy persona.
Ata akuzohen për për veprat penale “Mosbindja ndaj urdhrit të punonjësit të policisë së rendit publik” dhe “Prishja e qetësisë publike”.
