Nuk ishte një ndeshje aq e lehtë sa ç’ishte parashikuar për Liverpool teksa anglezët kanë fituar 2-1 ndaj Monterrey falë golit të shënuar në kohën shtesë nga Firmino.
Ishin të besuarit e Jurgen Klopp ata që zhbllokuan rezultatin me Naby Keita në minutën e 12‘. Pas një pasimi të mrekullueshëm të Mohamed Salah, ish-lojtari i RB Leipzig nuk ka gabuar përpara portierit kundërshtar.
Megjithatë, avantazhi i The Reds ka zgjatur vetëm dy minuta pasi skuadra meksikane ka barazuar me Funes. Pas një rrëmuje në gjysmëfushën e Liverpool, topi ka shkuar te Funes i cili nuk ka gabuar përara portës së boshatisur.
Sfida nuk i ngrit në nivelin e shpresuar dhe Klopp fut në fushë “peshat e rënda“ si Mane dhe Firmino për t’i shpëtaur shtesës.
Në minutën e 91‘ Alexander-Arnold ka asistuar golin e brazilianit Firmino dhe Liverpool shkon në finalen e Kupës së Botës për klube, ku e pret Flamengo.
Discussion about this post