Kupa e Shqipërisë/ Ja të gjitha rezultatet e takimeve të zhvilluara ditën e sotme

Kanë përfunduar dhe ndeshjet e kthimit të fazës së 1/16 të kupës së Shqipërisë ku vihet re një dominim i skuadrave të Superiores.

Kukësi fitoi bindshëm me rezultatin 6-0 ndaj Shkumbinit duke regjistruar një rezultat të përgjithshëm 9-1. Tirana që kishte barazuar pa gola sfidën e parë ndaj Shënkollit, siguroi kualifikimin me fitoren e pastër 4-0 ditën e sotme. Golat për bardheblutë u shënuan nga Karabeci, Çelhaka, Muçi dhe Kobina.

Laçi mundi Elbasanin me rezultatin 4-0 pas barazimit në ndeshjen e parë ndërsa Flamurtari sheshon Veleçikun duke i shënuar 5 gola e duke përmbysur rezultatin negativ të ndeshjes së parë e cila përfundoi 3-2 për Veleçikun.

Teuta mposhti pastër 6-2 Tërbunin në shtëpi, ndërsa në turin tjetër kaloi edhe Kastrioti, falë fitores 1-0 përballë Ilirisë. Vllaznia mposhti 2-0 Burrelin, ndërsa më poshtë rezultatet e plota.

Ndërsa, rezultate surprizë ishin ajo e Bilishtit kundër Skënderbeut dhe Pogradeci kundër Bylisit. Bilishti arriti të shënojë 2 gola kundër 5 herë kampionëve të Shqipërisë por nuk arritën të përmbysin dot rezultatin e përgjithshëm.

Ndërkohë Pogradeci e mbylli ndeshjen me shifrat 2-1 por superioriteti i Bylisit në ndeshjen e parë nuk u vendos në dyshim. Vllaznia fitoi kundër Burrelit me rezultatin 2-0 e duke u kualifikuar në fazën e 1/8 të Kupës së Shqipërisë.