”Kur dikush do të vallzojë tango, për këtë duhen dy vetë”, Fuga ironizon reformuesit e Akademisë së Shkencave

Akademiku Artan Fuga ka ironizuar sot parimet e reformimit të Akademisë së Shkencave. Ai thotë se në artikulimin e reformuesve thuhen parime që dihen prej shekujsh.

Ai thotë se ata po marrin në qafë Akademinë, jo thjesht vegjetimin e saj shumëvjeçar, por edhe konceptin e saj.

REAGIMI I FUGËS:

Parimet e një reformimi farsë

Dëgjojmë se reformuesi i rremë i Akademisë së Shkencave po shpall nga dita në dita parimet e reformimit të saj që janë dituri të ardhura nga shekujt.

Ja çfarë do të gjeni nga deklarimet më të fundit në media që do të drejtojnë këtë proces :

1. Kur një shportë me mollë ka mollë të kalbura brenda saj ato kalbin njera tjetrën 
2. Kur kemi një kilogram miell, atëhere nuk mund të bëjmë 20 kiliogram bukë 
3. Kur dikush do të vallzojë tango, për këtë duhen dy vetë 
4. Një tren ka lokomotivën, por ka edhe vagona, përndryshe nuk quhet tren 

Priten të tjera metafora njera më qesharake sesa tjetra!

O Zot, mirë që reformimi po shihet se nga drejtohet, por po i hiqet edhe ajo shtresë e hollë veshjeje që kishte Akademia e Shkencave përpara publikut!