Kryeministri Edi Rama duket se e ka ndarë mendjen që nuk do të flasë më keq për LSI-në në këto ditë të parazgjedhjeve.
Pavarësisht akuzave që kanë ardhur dhe nga ish-kreu i LSI-së Meta, Rama ka dhënë një mesazh për deputetët e tij: asnjë lajm për LSI-në në media.
Kështu duket se të njëjtën linjë do të ndjekë dhe në profilin e tij në rrjetet sociale. Njëri nga ndjekësit i ka thënë Ramës nëse ka ndëremend që dhe ai të hapë petët e lakrorit si Meta.
Por Rama i ka quajtur ‘gomarllëqe’ dhe e këshillon për së dyti të mos flasë më kështu.
Ndërsa një komentues tjetër i ka kërkuar të tregojë nëse ka patur një pakt mes tij dhe Bashës për ta amnistuar kreun e PD-së, ish-kryeministrin Sali Berisha dhe deputetët e korruptuar. Por, Rama e pyet nëse ky pakt bëhet si në filmat e Hollivudit.
REPLIKAT
Komentues 1: Meta po ia hap petët lakrorit po ju zoti Rama kur do filloni, kështu shqiptarët mund te mësojnë sa shumë ju dhimbset vatani dhe ju qan shpirti për fukarenjtë ty Metës dhe gjithë atyre që për 4 vjet fshihen dhe dalin si kërpudhat kur vijnë zgjedhjet.
Edi Rama: Antonio prapë ti? Po a te kam këshilluar njëherë mos flasësh gomarllëqe këtu se je edhe goxha burrë?!
Komentues: Zoti Kryeministër do t’ju lutesha, t’më kthenit disi një përgjigje…Për faktin, kur ju keni bërë një takim kokë-kokë me Lulzim Bashën…dua të di por ta siguroj edhe i gjithë populli do të dije, a ka pasur një pakt për amnisti për Lulzim Bashën, Sali Berishën…dhe të gjithë deputetët e korruptuar? Flm dhe respekte
Edi Rama: E si bëhet ky pakti o Mark apo si në filmat e Hollivudit? (E.K/SHUPLAKA)
Discussion about this post