Kryetari i Partisë Demokratike, Lulzim Basha, do të zhvillojë sot dy takime radhazi.
Mësohet se në orën 13:00 ai do të presë në selinë e Partisë Demokratike krerët e degëve dhe gjysmë orë më pas, në 13:30 do të zhvillojë një takim me Kryesinë e PD-së.
Kjo mbledhje e krerëve të degëve të PD dhe Kryesisë në seli do të ketë në fokus caktimin e datës për mitingun tjetër të Partisë Demokratike.
Këto takime zhvillohen në ditën e tetë të protestës së opozitës, e cila është përqendruar në “Sheshin e Lirisë”, nga ku përgjatë këtyre dy ditëve, kryedemokrati Basha ka bërë deklarata të forta.
Gjatë këtyre ditëve, përfaqësues të PD-së dhe jo vetëm, kanë bërë me dije se protesta tjetër e opozitës pritet të jetë më masive. (XH.A/SHUPLAKA)
