Kur do të zhvillohet takimi Putin-Trump?Kremlini: Duhet të jeni të durueshëm

Ndërsa të gjithë janë në pritjeje të një takimi të mundshëm midis Donald Trump dhe Vladimir Putin, Moska ka reaguar duke thënë se shumë raportime mbi planet e SHBA-së për t’i dhënë fund luftës janë të pasakta, ndërsa bëri thirrje për durim.

Zëdhënësi i Kremlinit, Dmitry Peskov, u pyet këtë sot në lidhje me një raport që i dërguari i Trump për Rusinë dhe Ukrainën, Keith Kellogg, po kërkonte të aranzhonte një armëpushim edhe përpara bisedimeve për një zgjidhje paqeje.

“Nuk kemi asgjë për të shtuar ende. S’ka ende asgjë thelbësore në këtë llogari; ne vetëm duhet të jemi të durueshëm”, tha ai.

Kujtojmë se Trump dhe Putin kanë thënë të dy se dëshirojnë të takohen personalisht.

“Rusia është e hapur për negociata. Në çdo rast, një zgjidhje duhet të vijë si rezultat i negociatave,” tha Peskov.