Diplomati Agim Nesho ka mbajtur fjalën e tij në tubimin e thërritur nga presidenti Meta, ku nuk la mangut as sinjalet në drejtim të ndërkombëtarëve, që po heshtin për instalimin e korrupsionit në vendin tonë.
Pjesë nga fjala e Neshos:
Të mbrosh demokracinë është detyra jonë, sepse të gjithë duam një Shqipëri demokratike me shtetin ligjor që funksionon.
Sot Shqipëria është më e plakur, jetojmë mes autokracisë së pushtetit, arrogancës dhe korrupsionit, largimit masiv të të rinjve nga vendi, ku janë kapur institucionet e shtetit, ku transparenca mungon dëshpërimi të mbyt. Jemi të prirur të besojmë që opozita të bëjë të pamundurën në një kohë kur është penguar çdo ditë në punën e saj.
E sotmja është një kambanë alarmi për të gjithë popullin e majtë dhe të djathtë, ne sot jemi të gjithë në mbrojtje të Kushtetutës dhe në respektim të shtetit ligjor. Pse keni frikë zotërinj qytetarë që të bashkoheni me ne për të dënuar krimin elektoral?
Tani një pyetje për disa miq ndërkombëtar, kush e dëmton Shqëi[ërinë ata që janë kapur nga krimi dhe korrupsioni, apo ata që e denoncojnë atë. Kur gishti tregon anën, ju lutem mos u merrni me gishtin. Bashkë me demokracinë ne mësuam një nga porositë më të mëdha të baballarëve amerikanë të së drejtës ‘mbroni Kushtetutën nga mazhorancat’.
Discussion about this post