”Kur isha në shkollë, çohesha çdo mëngjes në orën 5″, Donald Lu kthehet pas në kohë. Me çfarë merrej

Donald Lu ambasadori i SHBA në vendin tonë, është shprehur se vlerëson arsimin profesional dhe të rinjtë që angazhohen në këtë drejtim.

Gjatë eventit të organizuar sot në kryeqytet, me temë “People first” – programi i ceremonisë së certifikimit të studentëve të hoteleri-turizmit”, ambasadori Lu ka treguar një eksperiencë të tijën.

“Kur isha në shkollë, çohesha çdo mëngjes në orën 5. Mësoja si të bëja buke, biskota, tortë, dhe ëmbëlsira. Ishte një punë e mrekullueshme pasi dyqani i bukës mbante erën e mrekullueshme të ëmbëlsirave. Jam i bindur se ju keni ndjekur kurse gatim nga ekspertë, të tjerë kanë mësuar rreth menaxhimit të bizneseve turistike”, rrëfeu ambasadori Lu.

Më tej, kreu i delegacionit amerikan në vendin tonë ftoi të rinjtë që të ndjekin arsimin profesional dhe të përshtaten me tregun e punës.

(E.K/FAXWEB)