Aktori i humorit Bes Kallaku nuk i ndalet lojërave të fëmijëve, pavarësisht se është plot 31-vjeç. Si gjithmonë, i karakterizuar nga optimizmi, sot i është bashkuar fëmijëve poshtë pallatit duke luajtur me top. E gjithë skena është filmuar nga e fejuara e tij, këngëtarja simpatike Xhensila Myrtezaj.
“Kur je 31 vjeç, edhe kupton qe ke ngel kalama akoma… ça qeffffiiiii @xhensilamyrtezaj”, shkruan Besi krahas videos së publikuar.
Besi dhe Xhensila kanë lajmëruar se dashurinë e tyre disa-vjeçare do ta kurorëzojnë së shpejti në martesë, por ende nuk kanë bërë të ditur ndonjë datë. Megjithatë me shumë gjasa do të ndodhë këtë verë.
Ndoshta pas kurorëzimit të dashurisë së tyre, pse jo së shpejti mund të bëhen edhe me një fëmijë të tyre, duke patur parasysh se sa të afërt janë me ta. Megjithatë para pak kohësh, Xhensila e ka mohuar se një gjë e tillë mund të ndodhë së shpejti duke nënkuptuar se do i dedikohet karrierës. (D.D/Shuplaka)
Discussion about this post