Ylli Dylgjeri në një reagim të tij në rrjetet sociale ka treguar historinë e tij me një profesor austriak dhe analizën se çfarë nuk shkon me këtë shtet.
Në bisedën e të dyve bërë pak vite më parë ai thotë se profesori austriak e kishte të qartë se Shqipëria kishte mbetur prapa për shkak të ritmit.
“Përgjigja ishte e prerë: Ritmi! Ritmi na ka ndarë- mik. Ritmi në punë formoj personalitetin tonë.
Kur ju zgjodhët kaun për të lëruar tokën, ne austriakët zgjodhëm kalin”, thuhet ndër të tjera në bashkëbisedimin e të dyve.
STATUSI:
Çfarë nuk shkon në këtë shtet?
-Shumë gjera…
Mua kjo pyetje me erdhi në mënd vite më parë, në një shërbim jashtë vendit.
Më tej, mu desh kohë të marr një përgjigje të mençur, paçka se kisha studjuar edhe ekonomine politike me klasiket e saj…
Por, vetëm një ditë e mora përgjigjen. E mora nga një Profesor austriak.
E pyes Profesorin, se kur është ndarë në zhvillimin ekonomik Austria nga Shqipëria? Jemi gjeografikisht njëlloj, popullsia e hershme ka punuar tokën dhe mbarshtruar bagëtine etj. etj. Por…Jo! Austria iku shpejt.
Pergjigja ishte e prere: Ritmi! Ritmi na ka ndarë- mik. Ritmi në punë formoj personalitetin tonë.
Kur Ju zgjodhët kaun për të lëruar tokën, Ne austriakët zgjodhëm kalin. Kau Juaj hante shumë e lëronte tokën avash-avash. Kali ynë hante më pak e lëronte më shpejt duke bërë edhe disa punë njëherësh…Kjo ndarje e mjeteve të punës na solli Ne këtu ku jemi, e ju la Ju këtu ku jeni. Mos haro: RITMI.
Tani për tu kthyer te pyetja në krye.
-E ndryshojmë sot ritmin Ne?
-Thonë se do bëhet në Shtator!!!
Ndërkohe Lenini…e bëri Revolucionin në Tetor.
(E.K/SHUPLAKA)
Discussion about this post