Situata komike aq edhe shqetësuese ndodhin herë-herë në qytetet tona, siç është edhe rasti më i fundit i ndodhur në kryeqytet, kryesisht tek kryqëzimi i “Rrugës së Barrikadave” me “Rrugën e Dibrës”.
Me miratimin e masave nga Ministria e Brendshme, Policia Rrugore qëndron si “çekiç mbi kokë” tek qytetarët. Drejtuesit e mjeteve ndalohen dhe gjobiten për shkelje të rregullave të qarkullimit rrugor, përdorim të celularit, mosvënie të rripit të sigurimit apo edhe parkim të gabuar.
Megjithatë ka edhe ata “të rëndët” që u shpëtojnë më së miri këtyre masave. Janë ata që kanë mjete të rënda me të cilat qarkullojnë dhe parkojnë lirshëm në rrugët e qytetit. Pikërisht një rast i tillë ka ndodhur së fundmi dhe ajo ç’ka përbën lajm është fakti se efektivët rrugorë nuk dinë ç’të bëjnë.
“Ta sekuestrojnë apo jo?”, “Po i kujt të jetë vallë?”, duket se janë pikëpyetjet që kanë shkaktuar tension tek efektivët që i vijnë rrotull mjetit, në dukje “Ford Mustang”, por nuk guxojnë më tepër. Kjo është pikërisht ajo çka ndodh te Rruga e Barrikadave në Tiranë në videon e publikuar nga ”Harta Dixhitale”. Polici me dy standarde?
Discussion about this post