Nga Dritan Kaba
Sot rastësisht shfletova gazetat e përditshme, mu duk se e kisha nisur ditën gabim, ne asnjë prej tyre nuk kishte një urim për këtë ditë të madhe të të gjithë shqiptarëve.
Asnjë editorial për të revokuar këtë ditë të shënuar të kombit tonë.
Asnjë flamur në nderim të ditës së tij.
Asnjë fjalë që lidhet me këtë ditë.
Turp.
Të gjitha gazetat, me përjashtim të gazetës “Dita”, nuk kishin asnjë rradhë për këtë ditë historike.
Lajmi kryesor ishte ai i një dite më parë, që pavarësisht se të gjitha televizionet e kishin transmetuar e ritransmetuar në edicione lajmesh, sërish zinte vendin kryesor.
Bëhej fjalë për përgjigjën e Gjergj Elez Alisë, për atë Balozin e Zi, që kishte ardhur nga deti dhe i kishte vendosur shtatë kushte Shqipërisë për të hyrë në Evropë.
Si mund të na duan mes tyre vendet evropiane kur Ne vetë nuk duam ditën tonë më të shënuar. Kur Ne nuk nderojmë këtë ditë.
Gazetat që quhen kombëtare nuk i kishin kushtuar asnjë germë, asaj që quhet ditë kombëtare e shqiptarëve.
Këto nuk janë gazeta por thjesht pasqyra të atyre që i paguajnë për të parë veten e tyre ashtu siç ata duan.
E dhimbshme shumë për këtë derexhe ku ka arritur media e shkruar sot.
Këto lloj pasqyrash duhen bojkotuar.
Në to qytetarët nuk mund të shohin veten, hallet, shqetësimet, problemet apo qoftë edhe gëzimet e tyre, Qytetarët e thjeshtë janë të privuar nga kjo.
Ato shërbejnë për t’u parë ata që ju japin benefite, tendera, privatizime.
