Lum komentesh dhe reagimesh ka shkaktuar kryemninistri Rama me publikimin e emrave të zyrtarëve të lartë të administratës me pretendimin se janë denoncuar për korrupsion nga qytetarët.
Një ndër ta që ka reaguar në lidhje me situatën është dhe analisti Dritan Hila. Ai thotë se në një vend ku udhëheqësi vendos direkt kontaktet me popullin, kur Parlamenti është pa identitet dhe kur gjykimi i nënpunësve kalon në dorën e turmave, sistemi quhet diktaturë.
“Kur udhëheqësi vendos kontakte direkt me popullin; kur legjislativi nuk ka identitet dhe zgjedhja e tij është një farsë; kur shtyllat e tjera të demokracisë si gjyqësori dhe media quhen kazan për tu delegjitimuar dhe denigrohen; kur gjykimi i nëpunësve kalon në dore të turmave dhe jo në komisionet apo gjykatat e autorizuara për këtë punë, ky sistem zakonisht quhet diktaturë; ose autoritarizëm; ose vari leshtë si Dyvalje në Haiti ose Çavez ne Venezuelë. Në fund e hanë po turmat. Ju bëfte mirë se pak e kanë”, shkruan Hila.
Duhet thënë se Rama nuk ëhstë nndalur vetëm me publikimin e listave. Pak pas mesnatës së sotme ai ka reaguar sërish duke thënë se ferri i pret ata që kanë abuzuar me administratën, a thua se kryeministri i vendit tonë tashmë është dhe një gjykatës hyjnor.
(E.K/SHUPLAKA)
Discussion about this post