Kurti nuk e ndryshon dot fatin politik, bëhet gati për fronin opozitar (FOTO)

Situata politike në Kosovë nuk është aspak e mirë që pas rrëzimit të qeverisë Kurti në parlament gjatë mocionit të mosbesimit. Që prej asaj dite politika Kosovare po bën përpjekje për krijimin e qeverisë së re pa Albin Kurtin kryeministër.

Duket partia që Kurti drejton Lëvizja Vetëvendosje e ka parandjerë fronin opozitar që po i vjen dhe sot ka bërë një gjest shumë domëthënës.

Disa aktivistë të Lëvizjes Vetëvendosje janë mbledhur sot në sheshin “Skënderbeu” në Prishtinë, për të bërë prova për protesta Këtë e kanë bërë të ditur vetë aktivistët e VV’së në grupin ”meKryeministrin” në Facebook,  grup ky i cili përkrah kryeministrin në detyrë, Albin Kurti dhe ka mbi 310 mijë përdorues.

Ata kanë publikuar foto dhe video nga sheshi “Skënderbeu” në kryeqytet, ku kanë shkruar se po bëjnë prova për protesta.

Protestat e përkrahësve VV’së janë paralajmëruar pas mandatimit të Avdullah Hotit për kryeministër.