Kryeministri në detyrë i Kosovës, Albin Kurti, nuk i ka ndalur replikat me të dërguarin e SHBA-ve për dialogun me Serbinë.
Ai ka thënë se ambasadori Richard Grenell, mban anën e Serbisë. Debatet mes tyre vijnë pas rrëzimit të qeverisë Kurti ne seancën e mosbesimit në parlament. Sipas Kurtit, Grenell nuk është në mesin e dy palëve, por në anën e Serbisë.
“Emisari amerikan Grenell nuk është në mes të Kosovës dhe Beogradit, është në pozicionin e Beogradit. Ai është në pozicionin e Beogradit në raport me heqjen e taksës dhe mos vendosjes së reciprocitetit”, ka thënë Kurti.
Kurti tha se Grenell nuk po mbanë as tani një qëndrim neutral kur është në pyetje formimi i qeverisë së re.
Discussion about this post