Situata politike në Kosovë nuk po gjen qetësi që nga rrëzimi i qeverisë Kurti në mocionin e mosbesimit në Parlament. Kosova është në gjendje të jashtëzakonshme edhe për shkak të pandemisë globale shto këtu edhe krizën politike.
Bëhet më dije se Kryeministri në detyrë i Kosovës, Albin Kurti, i ka dërguar kërkesë për opinion Komisionit të Venecias në lidhje me kompetencat e presidentit të Kosovës në shpërndarjen e parlamentit dhe për propozimin e mandatarit për kryeministër të vendit, pas mocionit të suksesshëm të mos-besimit.
Kjo lëvizje i tij vjen pas vendimit së Gjykatës Kushtetuese në Kosovë që pezulloi dekretin e presidentit për shpërndarjen e parlamentit dhe mbajtjen e zgjedhje të reja
Nëpërmjet një komunikate, ekzekutivi Kosovar tha se “një opinion nga Komisioni i Venecias do të shërbente në forcimin e demokracisë dhe të së drejtës kushtetuese. Gjithashtu, një vlerësim nga Komisioni do të kishte vlerë substanciale jo vetëm për Kosovën, por gjithashtu në mënyrë më të përgjithshme edhe për praktikën kushtetuese në të gjitha shtetet anëtare në Komision”,
Komisioni Evropian për Demokraci nëpërmjet ligjit që njihet si Komisioni i Venecias, është një trup këshillues me 62 anëtarë i Këshillit të Evropës rreth çështjeve Kushtetuese. I ngritur në vitin 1990, ai luan rol këshillues por opinionet e tij nuk janë detyruese.
Discussion about this post