Ish-deputeti Endri Hasa tha gjatë një interviste në studion e lajmeve të Fax News se Partia Demokratike ka shprehur angazhimin e saj për ofruar një zgjidhje konkrete se si duhet të veprohet për arritjen e një dialogu.
Hasa tha se rekomandimet e opozitës për Reformën Zgjedhore janë të mbështetura në propozimet e OSBE-ODHIR-it ndërsa shtoi se, tryeza e sotme konsiderohet si një tavolinë e opozitës së bashkuar për të gjetur një zgjidhje teknike të situatës.
“Kjo do të vijojë me një ligj të posaçëm me çështjet e financimit të partive politike. Ne kërkojmë ti japim zgjidhje çdo komponenti të subjekteve politike në vend. Ne duhet të japim një klimë dhe ambient politik për shqiptarët që garanton sistem politik të ligjshëm dhe kjo nis me reformimin e burimeve ekonomike të subjekteve politike. Janë diskutuar dhe çështjet që kanë të bëjnë me votimin elektronik.
Ne kërkojmë të dalim me një produkt të unifikuar dhe ky produkt të dali i fituar për tu kthyer më pas në propozime ligjore. Ne kemi dalë me një propozim konkret se kush ishte rrugëzigjidhja me sistemin monopartiak. Oferta jonë konkrete për hir të ardhmes së vendit, ka hasur në një mur nga ana tjetër, sepse Edi Rama nuk na dëgjon sepse don të vazhdojë duke i blerë zgjedhjet, duke bërë zgjedhje me krimin e organizuar. Qeveria duhet të ndërmarrë menjëherë masat pas kushteve të Bundestagut gjerman. Nuk mund të ecet përprara nëse ka pandëshkueshmëri dhe krimi nuk hetohet, ka dy vite që thuhet se SPAK-u do të krijohet nesër.
Ka që në 2016 dosja 184 dhe çfarë u bë, u dërgua në Dibër. Ky është sistemi, i cili nuk është i paraqitjes së vlerave dhe programeve, por një garë bandash. Kush ka më shumë para, kush merret më shumë me drogë. Kjo nuk është politikë por plaçkitje e popullit shqiptar. Për këtë jemi të gatshëm të marrim përgjegjësitë e opozitës për të punuar për të gjitha kushtet e Bundestagut”, tha Hasa në Fax News.
A do të merrni pjesë në Reformën Zgjedhore nëse do vijojë të drejtohet nga Damian Gjiknuri?
Hasa: Sot kemi një Kuvend monopartiak i cili po diskuton me veten dhe po del në konkluzione. Ne kemi thënë, hajde ulemi në tavolinë, marrim ekspertët ndërkombëtar dhe diskutojmë. Ata nuk kanë vullnet sepse ‘de facto’ ne kemi zgjedhur të mos jemi pjesë e atij parlamenti sepse nuk përfaqëson më vullnetin e popullit. Ajo tavolinë shpreh vullnetin e Kuvendit monopartiak. Ne kemi propozuar diçka që është më e gjërë se Kuvendi monopartiak, madje të përfshihen në këtë tryezë edhe grupe të tjera të interesit. Një reformë që do sjelli një qeveri të përgjegjshme para qytetarëve.
Në Kuvend sot nuk ka asnjë opozitë apo forcë politike, përveç PS-së që është votuar në elektorat. Ata njerëz nuk përfaqësojnë askënd përveç Edi Ramës, janë aty në emër individual. Nuk kanë besimin e atyre që kanë votuar në 2017 dhe as të partive opozitare.
Kujt do t’ia dërgoni për votim nëse propozimet tuaja që të miratohen për aq kohë sa nuk e njeh këtë Kuvend?
Hasa: Ne kemi kërkuar vullnet politik, dhe propozimet tona do t’ua dërgojmë gjithë subjekteve politike, grupeve të interesit dhe partnerëve ndërkombëtar. Nuk mund të vazhdohet më kështu që negociatat u appen detyrat u bënë dhe pastaj na përplasen dyert fytyrës. Ne duam të arrijmë një mision konkret që të bëjmë Shqipërinë si gjithë Europa.
Çfarë do të lëshoni ju dhe çfarë kërkoni të lëshojë mazhoranca?
Hasa: Ulja në atë tryezë është se ka një palë që dërgon propozimet e saj dhe diskutohet nëse pala tjetër bie dakort me ato. Ne jemi të angazhuar që të dalim me një produkt si opozitë e bashkuar, le të dalin edhe ata me një produkt dhe të ulemi të diskutojmë. Nuk ka një kundërpërgjigje të këtij mekanizmi nga ana e qeverisë sepse ata nuk duan. Në momentin që do të keni një angazhim të tillë jemi të hapur për diskutime. Rama duhet të bëjë propozimet e tij.
https://www.facebook.com/faxweb.al/videos/419053385360104/
(F.GJ/FAXWEB.AL)
Discussion about this post