Zbulohet se kush do të jetë zyrtari i parë i cili do të punojë në Presidencë, pasi këtë post e mori Ilir Meta. Ai është Allqi Bllako dhe do të ketë rolin e Sekretarit të Përgjithshëm të Institucionit të Presidencës.
Deri më sot Bllako ka punuar si Sekretar i Përgjithshëm në Ministrinë e Mjedisit, më saktë gjatë periudhës Shtator 2013 – Korrik 2017.
Kush është Bllako:
Alqi Bllako, lindur ne Kolonje me 10 Maj 1987, ka përfunduar studimet e larta prane Universitetit te Neë York-ut Tirane si dhe ka kryer disa studime pas-universitare, Master Shkencor në drejtimin Financë dhe Kontabilitet nga Universiteti i Neë York-ut dhe MBA me drejtim Banke dhe Tregje Finaciare ne bashkepunim me Institutit Kurt Bosch ne Zvicer, diplomuar ne te treja rastet si student i ekselences.
Gjate kesaj periudhe, Z. Bllako eshte vlerësuar më Çmimin e Parë nga Guvernatori i Bankës së Shqipërisë për punimin e tij “Roli i tatimit mbi të ardhurat të kompanive mbi strukturën e kapitalit: të dhëna mbi ekonominë shqiptare” i konsideruar një kontribut i vyer akademik. Z.Bllako është vlerësuar nga ekspertët më të mirë akademik në fushën financiare dhe ka dhënë kontributin e tij si Lektor i brendshëm dhe i jashtëm pranë Universitetit të”Neë York”-ut në Tiranë në lëndët: Financa e Korporatave, Financa Ndërkombëtare, Kontabilitet Financiar, si dhe Kontabilitet Drejtimi Z.Bllako ka patur eksperiencë të drejtpërdrejtë në sektorin privat, ne institucionet publike, ka qene përfaqësues i vendit në Konventa te shumta Ndërkombëtare, si dhe është dalluar edhe për kontributin e tij në shoqërinë civile.
Z. Bllako ka punuar si Sekretar i Përgjithshëm në Ministrinë e Mjedisit, gjate periudhes Shtator 2013 – Korrik 2017 ku ka iniciuar dhe udhëhequr reforma të rëndësishme administrative dhe politike, duke përballuar me sukses sfidën e rritjes së performancës së kësaj Ministrie dhe duke garantuar rrugën drejt një zhvillimi të qëndrueshëm të mjedisit shqiptar.
Me firmosjen e marrëveshjes se Parisit, z. Bllako ka shërbyer dhe si autoriteti i deleguar kombetar në marrëdhëniet me Fondin e Klimës, si dhe pike fokale për Konventën e Diversitetit Biologjik, ku ka luajtur dhe rol aktiv pranë organit ndërqeveritar ndihmës të kësaj konvente: Trupi Ndihmës për Këshillat Shkencore, Teknike dhe Teknologjike. Z. Bllako njeh dhe flet rrjedhshem gjuhet angleze dhe italiane. (D.D/Shuplaka)
