Kryeministri Rama nga Llogaraja ka pasur mëngjesin me një takim me gazetarët. Përveç pyetjeve në lidhje me qeverinë e re, pse janë lënë jashtë disa prej emrave Rama është përgjigjur dhe në lidhje me pasardhësin e tij në krye të PS-së.
Dhe ka pasur një përgjigje të prerë: Unë nuk kam pasardhës. Çka do të thotë sipas tij që pas largimit nga drejtimi i PS-së vetë ai nuk do të ketë një person më të preferuar se të tjerët.
Po me këtë pyetje i rikthehemi një debate të vjetër, një konkurrence të përhershme në heshtje mes Saimir Tahirit dhe Erion Veliajt për të zenë vendin e Ramës. Në momentet që flasim kryetari i Bashkisë së Tiranës duket më i avantazhuar edhe për shkak se Tahiri u la jashtë qeverisë Rama 2.
Sipas kryeministrit ai i duhet në Parti, po të jetë vetëm ky shkaku?!
“Qeveria nuk është si skuadra kombëtare e futbollit, që është seleksioni i atyre që do rrinë në fushë dhe të tjerët do rrinë në stol.
Ne kemi nevojë shumë të madhe, ka shumë nevojë qeveria për një grup jo thjesht të fortë në Kuvend, por kemi shumë nevojë edhe në parti duhet të kemi disa kapacitete shumë te mira që të vazhdojnë punën. Unë besoj shumë që e gjitha është si puna e një trupi të tërë”- tha Rama kur u pyet për Tahirin.
Ndërkohë që nëse shohim emrat e rinj të qeverisë ‘’Rama 2” ka plot rikthime siç është rasti i Xhafajt, Nikollës, Bushatit apo të tjerëve. Vetëm Tahiri t’i duhet partisë?!
(E.K/SHUPLAKA)
