Gazetari dhe publicisti, Baton Haxhiu, ka thënë se vrasja e Oliver Ivanoviç ishte e porositur, e kryer nga profesionistë dhe rrjedhojë e një fryme dhe procesi të dështuar të dialogur mes Kosovës dhe Serbisë, të kontrolluar nga Aleksandar Vuçiç dhe të mospenguar nga Shtetet e Bashkuara të Amerikës dhe Bashkimi Europian.
Në Info Magazine të Klan Kosovës ai ka deklaruar se ai është viktima e parë e kundërshtimit të procesit të ndarjes së Kosovës, që sipas tij po diskutohet në Bruksel, dhe i radhës i vijës Kosovocentrike që po eliminohet, njofton Klan Kosova.
“Oliver Ivanoviç është një prej atyre serbëve që ka pasur trimëri brenda vetes. Është një prej njerëzve me të cilët ke mundur të debatosh, me gjithë mospajtimet e skajshme. Nuk ka qenë befasi për mua ngjarja e sotme. Ky është debakël i Bashkimit Europian dhe i SHBA-së, në një proces të gjatë që ka mbytur shpresën për qytetarët e Kosovës”.
“Është vrasje e porositur që mund të bëhet vetëm nga profesionistët”.
“Kjo vrasje është neveritëse dhe politikisht destabilizuese. Është pasojë e një procesi të kontrolluar kryesisht nga Aleksandar Vuçiç, i lejuar brutalisht nga SHBA dhe BE-ja, e pjesërisht edhe nga Rusia, që ka çuar në eliminimin e të gjithë linjës Kosovocentrike të serbëve”.
“Janë eliminuar të gjithë serbët në Kosovë që kanë qenë për bashkëjetesë dhe i është dhënë hapësirë e pafund Vuçiçit, duke menduar se nëse një njeri e ka në dorë krejt këtë punë, mund të zgjidhet më lehtë. Vija e pushtetit është tek ura në Mitrovicë. Përtej asaj udhëheqin bandat që lëvizin me vetura pa targa”.
“Oliver Ivanoviç është viktima e parë e kundërshtimit të procesit të ndarjes së Kosovës”.
Në lidhje me vrasjen e politikanit serb ka reaguar edhe publicist Berat Buzhala, ai thotë se nuk e di se kush e ka vrarë Ivanoviçin por kjo gjë sipas tij nuk është e mirë për Kosovën.
Nga ana tjetër Berat Buzhala godet edhe politikën kosovare në lidhje me zhvillimet e fundit. Ai thotë se disponim për të destabilizuar Kosovën ka pasur edhe në Prishtinë po aq san ë Beograd.
‘M’falni, ama seriozisht nuk e di kush e ka vra Oliverin. Thjeshte e di qe kjo nuk eshte mire per Kosoven.
Perndryshe, javeve te fundit disponim per me destabilizu Kosoven ka pase edhe ne Prishtine, qaq sa ka pase edhe ne Beograd.
Njana prej menyrave me ardhe deri te destabilizimi eshte permes atentateve. Pastaj se kush e ngreh kamben e alltise ka shume pak rendesi.
Kuku per neve”, ka shruar në Facebook ai.
Kreu serbëve të Kosovës Oliver Ivanoviç u vra sot para zyrës së tij në Mitrovicën veriore. Të shumta kanë qenë reagimet për vrasjen e tij, në Kosovë, Serbi por edhe Shqipëri. Liderët politikë kanë kërkuar zbardhjen e ngjarjes dhe vënien e autorëve para drejtësisë.
Delegacioni serb braktisi bisedimet në Bruksel dhe u kthye në Serbi ku Vuçiç mblodhi edhe Këshillin e Sigurisë Kombëtare.
(B.H/Faxweb)
Discussion about this post