Një ngjarje e rëndë ka ndodhur në Tiranë pas përfundimit të ndeshjes miqësore që u mbajt në stadiumin “Selman Stermasi”, ku zhvullua takimin mes dy skuadrav , Tirana-Shqipëri U21.
Një nga tifozët që ndodhej në stadium ka kritikuar Presidentin e Tiranës, Refik Halilin për gjendjen e keqe që po kalon kjo skuadër, pasi ka rënë nga kategoria.
Por pas ndeshjes një 23-vjeçar është dhunuar shumë keq.
Sipas denoncimit të familjarëve të tij të publikuar nga “Jeta Osh Qejf” 23-vjeçari me iniciale O. K ka rënë pre e dhunës fizike të ushtruar ndaj tij nga njerëz të afërt të presidentit Halili.
Familjarët tregojnë se djali nuk kishte absolutisht asnjë lidhje me personin që kishte kritikuar Halilin për situatën e klubit Tirana dhe se është rrahur pas asnjë shkak.
Tashmë i riu ndodhet në Spitalin e Traumës në Tiranë për shkak të plagëve e frakturave të shumta. Menjëherë është bërë një denoncim pranë organeve kompetente dhe familjarët kërkojmë nga policia që menjëherë të reagojë për këtë ngjarje të shëmtuar dhe të vërë para drejtësisë personat përgjegjës. (J.V/Shuplaka)
