Gazetari Artan Hoxha ka folur ditën e sotme lidhur me grabitjen e ndodhur në aeroportin e Rinas, ku mbeti i vdekur njëri prej autorëve dhe u morën rreth 10 milionë Euro.
Hoxha gjatë fjalës së tij hodhi dyshime lidhur me faktin se kush ishin autorët e vrasjes së njërit prej gabitësve.
“Dua të shoh se kush e ka vrarë personin. Arma e policisë apo e ajo e shokëve të tij të grabitjes. Dua të shoh procesverbalin. Ekspertiza do të provojë kush e ka shkaktuar vdekjen e tij. Është vrarë nga shkëmbimi i zjarreve apo është eliminuar nga shokët e tij?”-tha gazetari Hoxha.
Grabitje e armatosur ka ndodhur pasditen e sotme në aeroportin e Rinasit. Tre persona të armatosur me një makinë pa targa dhe që mbante mbishkrimin “Hetimi Tatimor” kanë vjedhur 10 milionë euro. Autorët janë përplasur me policinë. Deri më tami policia është treguar e rezervuar në dhënien e informacionit.
Kujtojm se identiteti I viktimës ende nuk është bërë publik. Ndërkohë që dyshohet se njëri nga grabitësit është prangosur por deri më tani nuk ka asnjë njoftim zyrtarë nga Policia e Shtetit.
