Një ditë më parë u bë me dije arrestimi i një vajze shqiptare në Igumenicë, e cila u kap në flagrancë me një valixhe plot me drogë. Referuar burimeve për një portal online, mësohet se Emiljana Kokoni 22 vjeç, kishte marrë fillimisht një taksi në Sarandë deri në doganën greke.
Pas mbërritjes në doganë, vajza nga Lushnja ka marrë autobusin Mavromat-Igumenice, ndërsa me vete kishte vetëm një çantë dore, jo valixhe. Gjatë rrugës për në Igumenicë, ajo i ka kërkuar shoferit të ndalojë në fshatin grek Asproklis, ku një person i paidentifikuar i ka dhënë valixhen.
Pas ndalesës në stacionin e Igumenicës, ka ndërhyrë policia që e ka arrestuar. Në valixhen që ajo mbante me vete janë gjetur dhe sekuestruar 4 pako me 13 kg e 616 gramë marijuanë që dyshohet se kishte si destinacion Athinën. (XH.A/SHUPLAKA)
