Arben Kaloshi ,mbeti viktimë e një vrasje mëngjesin e sotshëm. Pas vrasjes dhe dërgimit të tij pajetë në spitalin e qytetit, Policia tregon detajet e fundit në lidhje me hetimet.
Ngjarja padyshim që mbetet mjaft e rëndë dhe dy personat që e kanë çuar në spital dhe më pas janë larguar, mbeten pika kyçe e hetimeve.
Nga ajo që mesohet nga eksperti mjeko-ligjor që këqyri trupin e viktimës, është se vdekja i ka ardhur nga një plumb në kraharor.
Po ashtu policia ka sekuestruar telefonin e viktimës aty ku shpreson të gjejë ndonjë gjurmë, që të çojnë tek motivet e vrasjes së tij, apo autorët e mundshëm.
Grupi hetimor ka nisur sakaq edhe shoqërimin e personave me të cilët dyshohet të jetë shoqëruar dibrani gjatë orëve të mbrëmjes.
Kujtojmë se ai u dërgua sot rreth orës 03.30 të mëngjesit në urgjencën e Spitalit Rajonal pa shenja jete, ndërkohë që policia nuk e ka ende të qartë nëse bëhet fjalë për vrasje, apo për një ngjarje aksidentale.
NJOFTIMI I POLICISË:
Me datë 22.09.2017, rreth orës 03.30 të mëngjesit në Sallën Operative të Drejtorisë Vendore të Policisë Dibër ka ardhur një telefonatë nga urgjenca e Spitalit Rajonal se ka ardhur i vrarë me armë zjarri shtetasi Alban (Gëzim) Kaloshi, 42 vjeç, banues në fshatin Blliçe, Bashkia Dibër.
Menjëherë ka shkuar Grupi hetimor ku ka rezultuar se:
Dy persona ende të pa identifikuar nga Policia kanë çuar në urgjencën e spitalit pa shenja jete shtetasin A.K, dhe janë larguar pa u identifikuar në urgjencën e spitalit.
Nga kqyrja paraprake e bërë nga eksperti mjeko ligjor rezulton që viktima të jetë goditur me një plumb në kraharor. Janë ende të pa qarta rrethanat e ngjarjes, kemi të bejmë me vrasje apo ngjarje aksidentale.
Grupi hetimor po punon për zbardhjen e ngjarjes. Janë shoqëruar disa persona që kanë qenë të shoqëruar me viktimën në orë te ndryshme të mbrëmjes së djeshme. Po bëhet kqyrja e telefonit të viktimës
Si dhe po punohet për identifikimin dhe shoqërimin e personave që kanë çuar në spital viktimën.
(E.K/SHUPLAKA)
Discussion about this post