Në lidhje me vrasjen e Devi Kasmit Policia thotë se ka arrestuar autorin e dyshuar. Ai është Mario Meshini, i cili pretendohet të ketë qenë mik me Devi Kasmin.
Avokati i Meshinit pretendon se ngjarja po fryhet në mënyrë që të mos kapet autori i vërtetë i vrasjes, e megjithatë avokati e pranon se Meshini ka qenë në vendin e ngjarjes ditën kur ndodhi atentati i Kasmit.
“Mario Meshini ka qenë mik me Devi Kasmin. Mario Meshini ka qenë në vendin e ngjarjes ditën kur ndodhi vrasja. Pas vrasjes ai ka shkuar në shtëpinë e tij pasi ka qenë i tronditur nga ngjarja. Mario i kishte çuar sms Devit se do të takoheshin.
U largua me motor në drejtim të shtëpisë. Policia e ka emrin e personit që është vrasësi. Ai është fajtor se nuk ka shkuar që të flasë në polici për atë që ka parë, po jo në vrasje. Oficeri i Policisë Gjyqësore thotë se dyshohet se është autor. Kjo çështje është fryrë që të mos kapet autori i vërtetë i kësaj ngjarjeje”, u shpreh avokati.
(E.K/FAXWEB)
