Kush është Artur Mahmutaj që tentoi të fuste 75 kilogramë kokainë në Itali, si u lirua nga gjykata e Durrësit

Autoritetet italiane kanë mundur të shkatërrojnë rrjetin e trafikantëve që tentuan të futnin 75 kilogramë kokainë  në Itali nga porti i Genovas. 

Në prangat e Guardia di Finanza kanë përfundur 5 persona, 3 italianë dhe 2 shqiptarë.  Një prej shqiptarëve ishte edhe Artur Mahmutaj, 38 – vjeç, i cili është cilësuar nga autoritet italiane si një nga kokat e kësaj bande. 

Por kush është Artur Mahmutaj?

Artur Mahmutaj  ka mbajtur postin e Nëndrejtorit të Hekurudhës në qytetin e Durrësit.  Mahmutaj rezulton i liruar nga Gjykata e Durrësit në datën 3 mars 2016, ndërsa rezultonte i arrestuar në 10 janar të këtij viti nën akuzën e veprës penale “Prodhim dhe shitje e narkotikëve.”

Sipas “Ora News” ai u mbajt në paraburgim për 3 muaj, pas zbulimit të një laboratori modern droge në një magazinë të kultivimit të lëndëve narkotike, në shtator të vitit 2015. Mahmutaj u shpall në atë kohë në kërkim nga policia, por arrestimi i tij u bë i mundur në janar të një viti më pas.

Por pas arrestimit të 35-vjecarit, gjykatësja  Anita Mici pranoi kërkesën e tij për ndryshim të masës së sigurisë nga arrest në burg në detyrim paraqitje, e arsyetuar se ai nuk përbënte rrezik. 

Në bazë dhe të vendimit të gjykatës që Ora News disponon, rezulton se në mungesë, gjykata e Durrësit vendosi si masë sigurimi personal atë të arrestit me burg për Mahmutaj. Por pas arrestimit të 35-vjecarit, gjykatësja  Anita Mici pranoi kërkesën e tij për ndryshim të masës së sigurisë nga arrest në burg në detyrim paraqitje, e arsyetuar se ai nuk përbënte rrezik.

Në vendimin e Gjykatës së Durrësit thuhet se vendi ku u gjet droga ishte në pronësi të Mahmutajt, por ambientet nuk posedoheshin prej tij, pasi i ishin dhënë një shtetasi tjetër, Albano Gjini. Madje vendimi për detyrim-paraqitje u dha edhe pse në vendim shkruhet se Kastriot Dyrmishaj i  rëndonte pozitat e Mahmutaj. (J.V/Faxweb)