Kanë dalë detaje të reja nga vrasja e Devi (Dëfrim) Kasmit. Greku i arrestuar Eftimiu Eftimius, i cili akzuohet si ekzekutori i Devi Kasmit ka marrë si avokat mbrojtës për seancat gjyqsore avokatin e njohur Saimir Vishën.Një seancë do të zhvillohet sot në orën 14:30 për Eftimiu Eftimius ku pritet të jepet masa e sigurisë për të.
Duhet të theksojmë që ish-polici grek nuk rezulton të ketë hyrë në Shqipëri përmes sistemit TIMS, çka do të thotë se hyrja e tij është bërë në mënyrë ilegale.
Shtetasi grek ka pranuar më tej se me të arrestuarit e tjerë ai është njohur në shtëpinë e Hoxhallarit. ‘’Nuk kam lidhje me vrasjen e Devi Kasmit. Me Aurel Hoxhallarin jam njohur gjatë kohës që ai ka qenë emigrant në Greqi. Kam ardhur disa herë në Shqipëri dhe e kam takuar. Po ashtu kam qëndruar për disa ditë në shtëpinë e tij në Mëzes”, mësohet të ketë thënë shtetasi grek.
Kush është Saimir Visha?
Avokati Saimir Visha në lidhje me çështjen ” Tahiri”, ai është shprehur se nuk ka asnjë provë që implikon ish-ministrin e Brendshëm Tahiri me trafikimin e drogës.
“Unë si profesionist deri më tani nuk kam parë provë. Rolin e ka marrë gazetarët investigativë. Një gjë është e vërtetë. Ne duhet të ruajmë prezumimin e pafajësisë. Nëse Saimir Tahiri është fajtor, unë mendoj se kjo është një lojë. Nuk shikoj prova deri në këto momente. Të dy kampet po e përdorin këtë si karrem”, deklaroi Visha.
Visha ka qenë edhe avokat mbrojtës në çështjen e Mark Frrokut i cili akuzohet për vrasjen e shtetasi shqiptar në Belgjikë. (J.V/Faxweb)
Discussion about this post