Kush është avokati që iu dogj makina në Tepelenë, zyrtar i PD-së (Detajet)

Digjet autovetura e avokat Xhaferr Meçes  në qytetin e Tepelenës në oren dy të natës së sotme.

Fillimisht autorët e kanë thyer xhamin e mjetit dhe më pas e kanë djegur, pranë pallatit ku banonte.

Kanë qenë komshinjtë ata që kanë dëgjuar një goditje dhe kanë parë zjarrin dhe kanë dalë duke njoftuar zjarrëfiksët që kanë nderhyrë.

Policia ka shkuar në vendngjarje dhe po heton në lidhje me shkaqet e kësaj ngjarjeje.

Një nga pistat e hetimit është dhe ajo për shkak të punës si avokat të pronarit të mjetit. Meçe po ashtu ka qenë anëtar i këshillit bashkiak për Partinë Demokratike.

Në lidhje me ngjarjen ka reaguar dhe Partia demokratike. Në njoftimin e PD-së thuhet:

Partia Demokratike dënon me forcë aktin kriminal të zjarrvënies së qëllimshme të automjetit personal të këshilltarit të Partisë Demokratike në Këshillin Bashkiak të Tepelenës, z. Xhafer Meçe.

Ne i bëjmë thirrje policisë dhe prokurorisë të zbardhin pa vonesë ngjarjen dhe të arrestojnë e vendosin para ligjit autorët dhe porositësit e këtij akti të shëmtuar kriminal.

Partia Demokratike shpreh solidaritetin dhe mbështetjen e plotë për këshilltarin tonë në Bashkinë e Tepelenës z. Xhafer Meçe dhe familjarët e tij.

(E.K/FAXWEB)